Kaptein Langman se hoekie
(Captains Corner)
Haai daar julle BAKgat ORAK
manne en BAng…gat Bellville ORAK vroue,
EERSTENS JULLE LYWE! : Namens
die BAKgat manne wil ek julle swakker
geslag weer gebruiklikerwys uitdaag om te kyk wie gaan die meeste kilometers
hardloop by ORAK, mans of vroue. Daar is tans 3 vroue meer as mans wat
ingeskryf is volgens Gerrie, so geen verskonings nie asb.
TWEEDENS JULLE HARTE:
1. Dan het ek ook met Gerrie onderneem om julle te vra om
die jaar se ORAK liefdadigheidsdryf te ondersteun. Dis ‘n dogtertjie
Ciara wat nou 6 jaar oud is en dringend finansiêle ondersteuning benodig vir
haar lewensbelangrike medikasie en ondersteuning. Sy is sonder ‘n velletjie
gebore en die toestand word Epidermolysis Bullosa genoem. Ciara en haar ouers
sal ook Saterdag by die wedloop wees. Ciara gaan in Worcester skool by die
skool vir dowes. Daar sal lootjies verkoop word vir ‘n slaglam en nog 2 lammers
sal aan die hoogste bod verkoop word. So almal wat ‘n bydrae maak kry ‘n kans
om ‘n slagding te wen..
2. Monique verjaar mos Saterdag en gaan ten bate van ‘’animal
shelters’’ hardloop. Haar werk gaan haar ook borg vir elke 50c per kilometre
wat sy van ons hardlopers af kry met borgskappe Saterdag. Ondersteun asb
hierdie goeie saak ook.
3. Louise Kock ondersteun die Tiny Tekkies Challenge vir die Webner Laerskool in Ravensmead. Asseblief ondersteun haar saak - sy soek ook backpacks en tekkies vir die kinders in plaas van geld.
3. Louise Kock ondersteun die Tiny Tekkies Challenge vir die Webner Laerskool in Ravensmead. Asseblief ondersteun haar saak - sy soek ook backpacks en tekkies vir die kinders in plaas van geld.
DERDENS BAKgatte teen ons BRAKKE
bure: Ek, Gabi en Monique het gisteraand die Brackenfell Brakke by hulle eie
tydtoets weer gaan uitdaag om meer deelnemers as ons by die ORAK wedloop te hê.
Ek maak dus ‘n beroep op elkeen wat ingeskryf het om deel te neem. Volgens ORAK
organiseerder Gerrie Celliers is ons 2 klubs op die stadium letterlik een of
dalk 2 atlete verskil in getalle.
ALTERNATIEWE MANS-REGVERDIGE
ALTERNATIEF: Die altyd regverdige Pieter Carstens het die dames jammer gekry en
het voorgestel dat ons dalk ‘n beter wetenskaplike voorgee model kan gebruik om
die wenners tussen die mans en vrouens te bepaal. Die model lyk soos volg:
Orak Voorgee stelsel.(gebaseer op newton&fordyce formule)
BAK atlete se afstande word met volgende voorgee
aangepas:
Afstand X lengte in meter X gewig /
ouderdom
(As die vrouens net solank vir
my julle gewigte sal deurstuur sommer op Sosiale media FaceBook se Bellville
Groep, sodat ons die formule kan toepas. (Ek neem aan julle eet nie meer so
baie muffins Sondae met die ladies Run nie so die gewigte kan mos maar nou
openbaar gemaak word J ) hahahha! Los maar….
Tot later BAK gat maters. Hoop nuwe
vroue-kaptein Gabi kan julle vroue lede
so goed opkommandeer om deel te neem - Julle lyk maar sleg as julle bekke hang
van die verloor!!!
Groetnis die Kaptein van die
sterker geslag by BAK
Kaptein Langman&Pikkie